Iniciativa Demokracia ka njoftuar për një mobilizim të paprecedent të shtabit të saj zgjedhor në prag të zgjedhjeve të 12 tetorit. Përmes një postimi publik, është bërë e ditur se të gjithë aktivistët janë të gatshëm për ditën vendimtare dhe për fitoren që, siç theksohet në njoftim, “është shumë afër”.
“Mobilizim i shtabit zgjedhor si asnjëherë më parë, të gatshëm për të dielën e 12 tetorit, të gatshëm për fitoren e madhe që na pret. Faleminderit aktivistëve të devotshëm për angazhimin e pa rezervë gjatë kësaj fushate. Fitorja është shumë afër, tani e kanë marrë vesh edhe ata që nuk e kanë besuar. DEMOKRACIA është këtu,” thuhet në njoftimin e Iniciativës Demokracia.
Ky mobilizim shihet si një shenjë e qartë e përgatitjeve intensive për zgjedhjet që po afrojnë, duke reflektuar besimin dhe vendosmërinë e kësaj iniciative për një rezultat fitimtar të dielën.