Të shtëna me armë janë raportuar mbrëmjen e së martës në Mitrovicë.
Policia e Kosovës ka bërë të ditur se njësitet policore me të dalë në vendin e ngjarjes, kanë parë se bëhej fjalë për një aheng familjar.
Në vendin e ngjarjes, në një aheng familjar në cilësi të provave materiale është gjetur dhe sekuestruar një gëzhojë dy pistoleta, një pushkë gjuetie dhe 44 fishek.
Ndaj të dyshuarit është iniciuar rast për veprën penale “Mbajtje në pronësi ose kontroll i paautorizuar i armëve dhe “Përdorim i armës”, ndërsa me aktvendim të prokurorit të njëjtit i është caktuar masa e ndalimit për 48 orë.
“Në orët e mbrëmjes së datës 14 tetor 2025 , në Stacionin Policor Jugu në Mitrovicë, është pranuar informatë për të shtëna me armë zjarri. Me t’ pranuar informatën janë ndërmarrë veprime policore, ku njësitet policore kanë identifikuar vendin nga ku ishin dëgjuar të shtënat, me ç’ rast në vendin e ngjarjes, në një aheng familjar në cilësi të provave materiale është gjetur dhe sekuestruar një gëzhojë dy pistoleta, një pushkë gjuetie dhe 44 fishek. Ndaj të dyshuarit është iniciuar rast për veprën penale “Mbajtje në pronësi ose kontroll i paautorizuar i armëve dhe “Përdorim i armës”, ndërsa me aktvendim të prokurorit të njëjtit i është caktuar masa e ndalimit për 48 orë”, bën të ditur policia.
