Dhomat e Specializuara të Kosovës në Hagë, në seancën e djeshme kanë shpallur verdiktin dënues me gjithsej 81 vjet burgim për katër ish-krerët e Ushtrisë Çlirimtare të Kosovës, Hashim Thaçin, Jakup Krasniqin, Kadri Veselin dhe Rexhep Selimin.
Hashim Thaçi, është dënuar me 25 vjet burgim. Jakup Krasniqi, u dënua gjithashtu me 25 vjet burgim. Kadri Veseli është dënuar me 18 vjet burgim, si dhe Rexhep Selimi me 13 vjet burgim.
Padyshim, këtij dënimi i janë gëzuar bashkështetasit e agresorëve, të cilët zhvilluan luftë në tokat e Republikës së Kosovës.
Ndonëse këtë të fundit e humbën, të njëjtit shprehin knaqësi qoftë edhe me një vendim gjykate, i cili pritet të dërgohet në Gjyaktën e Apelit.
Shishat e shampanjës, flakët që simbolizojnë situatën e nxehtë, flamurin e serbisë e duartroktije, janë disa nga figurat që i përdorën në komente e postime skandaloze, ku ofendohen, shahen, mohohen e mallkohen ish-krerët e UÇK-së, UÇK-ja si dhe gjithë pupulli shqiptar.
Madje të njëjtit, ndonëse vërehen që s'i takojnë gjeneratës së kryekriminelit, Millosheviq, shpërfaqin po në këto komente, mendësinë çnjerëzore që i njëjti ua ka lënë pas, duke e bërë kriminelin hero, e heronjët kriminelë.
