Ky është numri i personave që votuan deri në 16:30

Pjesëmarrja e votuesve në zgjedhjet e parakohshme për Kuvendin e Kosovës i është afruar gjysmë milionit.

Sipas të dhënat në platformën e Komisionit Qendror të Zgjedhjeve deri në orën 16:30 dalja e qytetarëve në votime është 450 mijë e 641 votues.

Kthyer në përqindje, kjo dalje kap shifrën prej 22.99%, më pak se në zgjedhjet e 28 dhjetorit të vitit 2025, ku pjesëmarrja ishte 29.29% për të njëjtën periudhë kohore.

Ndryshe, numri i votuesve për këto zgjedhje është 1 milion e 959 mijë e 962.