Kurti nuk tregon nëse do të ketë shkarkime për rastin e Arlinda Zekajt

Kryeministri i Kosovës, Albin Kurti, nuk ka dhënë një përgjigje nëse gjatë ditës së sotme do të ndërmarrë masa konkrete lidhur me rastin e vrasjes së Arlinda Zekajt, raporton Ekonomia Online.

Kurti u ka kërkuar Ministrisë së Drejtësisë dhe Ministrisë së Punëve të Brendshme raporte të detajuara për të identifikuar lëshimet e mundshme të institucioneve përgjegjëse për rastin.

Afati i përcaktuar nga kryeministri për dorëzimin e raporteve përfundon sot, para orës 18:00.

Ai pati paralajmëruar se vendimet do të merren pas shqyrtimit të raporteve dhe publikimit të informatave përkatëse.