Kremlini: Është gabim të thuhet se Putini e hodhi poshtë planin e paqes

Zëdhënësi i Kremlinit, Dmitry Peskov, tha se nuk është e saktë të pretendosh se presidenti rus, Vladimir Putin, ka refuzuar propozimet e paqes të SHBA-ve gjatë bisedimeve të zhvilluara dje me Steve Witkoff dhe Jared Kushner.

“Bisedimet shënuan thjesht një shkëmbim të parë mendimesh”, shtoi ai.

“Putini kishte pranuar disa nga propozimet dhe kishte hedhur poshtë të tjerat në atë që ishte një proces normal negociatash”, tha Peskov.

Ai nuk pranoi të jepte komente të mëtejshme mbi bisedimet, duke thënë se ato do të kishin më shumë shanse për të qenë produktive pa komente publike, raporton skynews .

Peskov shtoi se Rusia ishte e gatshme të takohej me zyrtarët amerikanë sa herë që të ishte e nevojshme për të arritur një rezolutë në lidhje me luftën.