Polici nga Malisheva, Altin Kryeziu, ka ndërruar jetë pas disa ditësh në gjendje të rëndë shëndetësore, si pasojë e plagëve të marra në një aksident gjatë kryerjes së detyrës.
Vdekja e tij ka tronditur familjarët, miqtë dhe kolegët, të cilët e kanë kujtuar me dhimbje dhe respekt.
Një ish-koleg i Kryeziut nga Akademia e Policisë ka ndarë një mesazh prekës, duke kujtuar ditët dhe momentet e kaluara së bashku.
“U prehsh në paqe, koleg. Ngushëllime të sinqerta familjes, të afërmve dhe të gjithë atyre që e njohën”, ka shkruar ai.
Humbja e Altin Kryeziut ka lënë pas dhimbje të madhe te të gjithë ata që e njohën dhe bashkëpunuan me të.
