Këto janë rrugët nga do t’i biejnë linjat 3 dhe 4 pas mbylljes së rrugës “Fehmi Lladrovci”

Nga 10 deri më 18 korrik, do të jetë e mbyllur përkohësisht për qarkullim rruga “Fehmi Lladrovci”, në segmentin nga Rrethi i Flamurit deri te Rrethi i Spitalit, për shkak të punimeve infrastrukturore që do të zhvillohen në këtë pjesë të kryeqytetit.

Si pasojë e kësaj mbylljeje, do të ndryshojë përkohësisht edhe itinerari i dy linjave të Trafikut Urban, nr. 3 dhe nr. 4.

Trafiku Urban ka njoftuar se devijimi do të vlejë vetëm në drejtimin e ardhjes, në segmentet rrugore si më poshtë:

Linja nr. 3: Bardhosh – Rrethi i Matit

Eqrem Çabej → Afrim Zhitia → Xhevë Lladrovci → Astrit dhe Arbnor Dehari → Rrethi i Matit

Linja nr. 4: Parku i Gërmisë – Matiqan

Eqrem Çabej → Afrim Zhitia → Xheladin Rekaliu → Matiqan

“Në drejtimin Matiqan – Parku i Gërmisë (Linja nr. 4) dhe Rrethi i Matit – Bardhosh (Linja nr. 3), qarkullimi do të zhvillohet sipas itinerarit të rregullt”, ka deklaruar Trafiku Urban.