Policia e Kosovës, përkatësisht Drejtoria për Bashkëpunim Ndërkombëtar Policor, në koordinim dhe në bashkëpunim me njësitet tjera relevante të Policisë së Kosovës dhe institucionet e drejtësisë, me datën 01 shtator 2026, përmes pikës kufitare në Vërmicë, ka bërë ekstradimin e një shtetaseje të Shqipërisë, nga Republika e Kosovës për në Shqipëri.
E dyshuara ishte arrestuar nga Policia e Kosovës, pasi që ajo kërkohej përmes INTERPOL-it me letër rreshtim ndërkombëtar, të lëshuar nga institucionet e drejtësisë së Shqipërisë, për veprat penale: “Ndihmë në kalim të paligjshëm kufitar”, “Falsifikim të dokumenteve”, vepra këto të kryera si pjesë e një grupi të strukturuar kriminal.
