Deputetja e AAK-së, Time Kadriaj, i është përgjigjur në Kuvend deputetit të VV-së, Artan Abrashi, i cili ka folur për vendimet e Qeverisë Kurti lidhur me Veriun e ngjarjet që kanë ndodhur në atë pjesë të vendit.
Kadriaj ka thënë se deputeti i VV’së po flet për Veriun, por s’po tregon se Kosovës i janë vendosur sanksione për shkak të veprimeve atje.
“Parafolësi i parë nga LVV foli për ngjarjet e mëdha që kanë ndodhë nga VV. Sovranitet, integritet. Foli edhe për rezultatin e mirë kur i kanë heq targat. Por çfarë ka sjellë heqja e atyre targave, ka sjellë sanksione dhe targat përsëri janë kthy”, ka thënë Kadriaj.
Ajo tutje ka thënë se Qeveria Kurti i ka pranuar strukturat paralele dhe dokumentet e tyre.