Ish-ushtari i UÇK-së, Naim Lushi ka reaguar lidhur me zhvillimet e djeshme në vend, ku vëmendje mori Skender Llugiqi, i cili e kërcenoi ish-komandantin e UÇK-së, Ramush Haradinaj, si pasojë e të cilit veprim u ndalua për 48 orë nga Policia e Kosovës.
Lushi foli rreth raportimeve se Llugiqi ishte bashkëpunëtor i Serbisë, duke thënë se për këto të thëna janë deklaruar edhe vetë serbët.
Ai ka cituar librin e ish-policit serb, Slavko Nikiç, "Grupi i Gjakut Zero", në të cilin Llugiqi përmendet si bashkëpunëtor i Serbisë.
"Ish-polici serb, Slavko Nikiç, e kishte përmendur Skender Llugiqin që e kërcënoi Ramush Haradinajn në librin e tij "Grupi i Gjakut Zero". Ai e përmend atë si bashkëpunëtor të Serbisë", tha Lushi.
Ndër tjera, Lushi pulikoi edhe fragmentin e përkthyer nga libri i lartëcekur ku thuhet si vijon:
"Skender Llugiqi ishte shqiptar dhe njeri me të cilin kemi bashkëpunuar edhe para se të bëhej pjesëtar i Brigadës 114 të Zonës Operative të Drenicës. Ai e njihte terrenin dhe rrethanat më mirë se shumë të tjerë, prandaj ndihma e tij për ne ishte shumë e rëndësishme".
Çudia e vërtetë për Lushin, siç deklaron vetë ai, nuk është te tradhtia, por te depërtimi i këtyre figurave te kryemnistri në detyrë, Albin Kurti.
"Tani kjo, mua, nuk më habitë aq shumë. E dimë që brenda radhëve tona të UÇK-së, sherbimet sekrete serbe ja kanë dalë të infiltrojnë ndonjëherë element të tyre me qëllim dëmtimin e luftës çlirimtare. Por e çuditshme është se si të gjithë këta element sot janë kaq të afërt me Albin Kurtin, njeriun që na erdhi dhe u portretizua, përmes propagandës afatgjatë, si figura ideale e atdhetar
