Kryetari i Komunës së Istogut, Ilir Ferati, ka prezantuar listën e kandidatëve të LDK-së për asambleistë në këtë komunë, shkruan Gazeta Demos.
Përmes një shkrimi në Facebook, Ferati shkruan se këta kandidatë janë profesionistë të dëshmuar, qytetarë shembullorë dhe zëra të fortë të Istogut.
Në mesin e tyre ka arsimtarë e mjekë, inxhinierë e ekonomistë, juristë, gazetarë e sipërmarrës.
”Kjo është lista e LDK-së për Istogun, një listë që bashkon përvojën dhe vizionin e gjeneratave të ndryshme, nga ata që kanë vite të tëra pune dhe përvojë, te të rinjtë me ide të freskëta dhe energji të pashtershme për zhvillimin e Istogut”, shkruan tutje ai.
Postimi i plotë:
Profesionistë të dëshmuar, qytetarë shembullorë dhe zëra të fortë të Istogut. Një listë me njerëz që përfaqësojnë përkushtimin, dijen, ndershmërinë dhe energjinë për të çuar qytetin përpara. Arsimtarë e mjekë, inxhinierë e ekonomistë, juristë, gazetarë e sipërmarrës, secili me historinë e tij të suksesit, secili gati t’i shërbejë vendit me punë e përgjegjësi. Kjo është lista e LDK-së për Istogun, një listë që bashkon përvojën dhe vizionin e gjeneratave të ndryshme, nga ata që kanë vite të tëra pune dhe përvojë, te të rinjtë me ide të freskëta dhe energji të pashtershme për zhvillimin e Istogut. Të gjithë me një qëllim të përbashkët, ta bëjmë Istogun një vend ku çdo qytetar ndjehet i përfaqësuar, i dëgjuar dhe i vlerësuar. Kjo është lista jonë — garancia e LDK-së! Rrugëtimi ynë vazhdon! I juaji, Iliri
