Humolli pas deklaratës së Gjinit: ‘Edhe unë i pata disa kushte kur hyra në listën e LVV-së për deputet, asnjëra nuk u realizua!

Kryetari i Aleancës, Ardian Gjini, ka deklaruar se partia e tij është e gatshme të kontribuojë në formimin e institucioneve të reja, por kërkon një zotim të qartë me shkrim për ndërmarrjen e veprimeve që, sipas tij, janë në interes të qytetarëve të Kosovës.

Gjini tha se partia e tij nuk do ta pengojë krijimin e institucioneve dhe se nëse është e nevojshme do të ofrojë edhe kuorumin.

”Kjo nënkupton që nuk do të pengojmë themelimin e institucioneve, në asnjë mënyrë, nëse ka nevojë për kuorum, do ta bëjmë kuorumin, por na duhet zotimi i pastër me shkrim që këto veprime do të ndërmerren, në kundërvlerë nuk kërkojmë asgjë”, deklaroi Gjin i

Në lidhje me deklaratën e kryetarit të AAK-së, ka folur për “Gazeta Blic” ish-deputeti i Lëvizjes Vetëvendosje, Fatmir Humolli.

Ai duke komentuar deklaratën e Gjinit tha se e njëjta kishte disa kushte në funksion të fuqizimit të shtetit por se nuk kishte kushte për njerëzit e AAK-së.

Humolli tha se edhe ai ‘kur kishte vendosur të hynte në listën e LVV-së për deputet kishte vendosur disa kushte por se asnjëra prej tyre nuk u realizua nga LVV-ja’.

Deklarata e Gjinit sa e pashë kishte gjashtë kushte në funksion të fuqizimt të funksioneve të shtetit. Nuk kishte kushte për njerëzit e Aleancës për kryerjen e atyre kushteve. Edhe unë kur kam hy në lesten e LVV-së për deputet i pata nxjerr disa kushte por asnjërin kusht timin se pat realizu Lëvizja Vetëvendosje” deklaroi Humolli .