Haradinaj takon kandidatin për kryetar të Istogut, Ukë Blakajn, thotë se ky vend është i gatshëm për ndryshim

Kreu i Aleancës për Ardhmërinë e Kosovës, Ramush Haradinaj ka vizituar Istogun, duke thënë se potenciali i këtij qyteti është i madh në turizëm, por ka mbetur i pashfrytëzuar për shkak të qeverisjes së deritashme, shkruan GazetaDemos

Ai shtoi se kandidati i AAK-së për kryetar të Istogut, Ukë Blakaj është i gatshëm për ta bërë ndryshimin.

“Me vizionin e qartë të Ukës, Istogu fiton një model të ri qeverisjeje, zhvillim, përgjegjësi dhe mundësi për të gjithë qytetarët”, tha ai.

Postimi i plotë:

Istogu meriton më shumë! Potenciali i tij i madh, veçanërisht në turizëm, ka mbetur i pashfrytëzuar për shkak të qeverisjes së deritashme. Aleanca hyn në garë për ta kthyer këtë komunë në shembull të zhvillimit.

Sot, në takim me Ukë Blakajn, kandidatin tonë për kryetar të Istogut dhe me kandidatët për Asamble, u ndjeva i bindur se Istogu është gati për ndryshim.

Me vizionin e qartë të Ukës, Istogu fiton një model të ri qeverisjeje, zhvillim, përgjegjësi dhe mundësi për të gjithë qytetarët.