Haradinaj përkujton 27-vjetorin e rënies heroike të luftëtarëve dhe masakrën e familjes Deliu

Kreu i AAK-së, Ramush Haradinaj, ka përkujtuar 27 vjetorin e rënies heroike të luftëtarëve të UÇK-së, Vesel Demaku, Valdet Xhemajli dhe Afrim Hajdari.

Përmes një postimi në Facebook, ai i cilësoi ata si mësues e nxënës që nuk lëshuan pozicionet deri në frymën e fundit, duke mbetur frymëzim trimërie në rrugën drejt lirisë.

Haradinaj kujtoi gjithashtu masakrën në Abri, ku forcat serbe ekzekutuan familjen Deliu, raporton Klankosova.tv.

“Po atë ditë, në Abri forcat serbe ekzekutuan familjen Deliu, duke mos kursyer askënd, nga foshnja disa muajshe e deri te plaku 94 vjeçar. Ata ishin të pafajshëm, por askush nuk u dënua për vrasjen e tyre!

Ata ishin të pafajshëm, por askush nuk u dënua për vrasjen e tyre. Ne do të qëndrojmë gjithmonë pranë familjeve që humbën të dashurit, e do kërkojmë drejtësi deri në njeriun e fundit.

Lavdi!”, shkroi Haradinaj.