Sot rreth orës 07:50 ka ndodhur një aksident i rëndë trafiku në fshatin Loxhë të Pejës, si pasojë e të cilit ka mbetur e vdekur një grua dhe janë lënduar dy persona tjerë, raporton GazetaDemos.
Siç merr vesh GazetaDemos nga burimet e veta, viktimë e këtij aksidenti ka mbetur e reja A. Kastrati.
Lajmin e ka konfirmuar edhe Policia e Kosovës, nga ku u bë e ditur se në këtë aksident kanë qenë të përfshira dy vetura.
Nga ekipi mjekësor është konstatuar se e aksidentuara nuk ka mundur t’i përballojë plagët dhe ka humbur jetë.
“Sot rreth orës 07:50 Policia është njoftuar për një aksident trafiku në fshatin Loxhë të Pejës, ku të përfshira janë dy vetura dhe si pasojë, përveç dëmeve të konsiderueshme materiale, janë edhe dy persona të lënduar, të cilët janë dërguar për tretman mjekësor,” ka thënë Driton Rugova, zëdhënës i Policisë në Pejë.
