E konfirmuar nga Ministrja e Ramës: Liburn Aliu emërohet në krye të Portit të Durrësit

I sh-ministri i Infrastrukturës në Kosovë, Liburn Aliu tashmë është emëruar Drejtor në Portit të Durrësit,

Kjo është konfirmuar edhe nga Ministrja e Arsimit të Shqipërisë, Mirela Kumbaro Funxhi.

Në postimin e saj ajo ka thënë se s’mund të kishte zgjedhje më të mirë se Liburni, ndërsa përmend edhe raportet e bashkëpunimit të mira që ka pasur me të sa ishte ministër në Kosovë.

“Shumë i bukur lajmi për emërimin e Liburn Aliut në krye të Portit të Durrësit! Përherë e kemi thënë se Durrësi është porta e përbashkët drejt Adriatikut si për Shqipërinë dhe Kosovën, prandaj nuk mund të kishte zgjedhje më të mirë për ta mishëruar këtë vizion e ndjesi, se sa Liburni, një atdhetar dhe funksionar i sprovuar publik, me të cilin si ish-Ministre e Mjedisit kam pasur marrëdhënie të shkëlqyera bashkëpunimi gjatë kohës kur edhe ai drejtonte sektorët e mjedisit dhe planifikimit hapësinor si Ministër në Kosovë .Zgjedhje e goditur Belinda Balluku.Urime e me krahë të lehta!”, ka shkruar Kumbaro në Facebook.

Liburn Aliu dha dorëheqje më 27 gusht të këtij viti nga posti i Ministrit të vetëm një ditë pasi Dimal Basha u zgjodh Kryetar i Parlamentit.

Në një postim gjatë verës, Aliu theksoi se zgjedhja e Bashës ishte arsyeja kryesore e dorëheqjes së tij.

“Dua t’ju njoftoj që sapo e dorezova te Kryeministri i Republikës së Kosovës, z. Albin Kurti, letrën e dorëheqjes sime nga detyra e Ministrit në Ministrinë e Mjedisit, Planifikimit Hapësinor dhe Infrastrukturës. Dorëheqja ime vjen pas zgjedhjes së djeshme të kryetarit te Kuvendit të Republikës së Kosovës. Dje, pas votimit te kryetarit të Kuvendit, e kam njoftuar Kryeministrin Kurti për vendimin tim. Konsideroj që zgjedhja e djeshme e Kryetarit të Kuvendit, institucionit më të lartë, ku vendosen ligjet dhe jep llogari qeveria, nuk është në frymën e në lartësihë e atij ideali për Republikën që ka qenë dhe mbetet arsye angazhimi për mua”, kishte shkruar Aliu në Facebook.