Policia e Kosovës ka bërë të ditur se ka arrestuar një person në Lipjan të dyshuar për përfshirje në një rast të zjarrvënies. Rasti dyshohet se ndodhi nga pakujdesia.
“Zjarri kishte shkaktuar rrezik serioz për pronën dhe sigurinë publike, për çka nga prokuroria kompetente është iniciuar rast për ‘Shkaktim të rrezikut të përgjithshëm’”, ka njoftuar Policia e Kosovës.
Njoftimi i plotë:
Arrestohet një person për zjarrvënie
Drejtoria Rajonale e Policisë në Prishtinë, respektivisht zyrtarët e stacionit të Lipjanit, kanë arrestuar një person të dyshuar për përfshirje në një rast të zjarrvënies, që dyshohet se ka ndodhur nga pakujdesia.
Sipas hetimeve fillestare, zjarri ka shkaktuar rrezik serioz për pronën dhe sigurinë publike, për çka nga prokuroria kompetente është iniciuar rast për “Shkaktim të rrezikut të përgjithshëm”.
Policia e Kosovës apelon te qytetarët që të tregojnë kujdes maksimal për të shmangur veprimet që mund të rrezikojnë jetën, shëndetin dhe pronën, si dhe të raportojnë menjëherë çdo rast të zjarrit apo rrezikut të ngjashëm në numrin emergjent 192.
