Dy aksidente trafiku në rrugën Prishtinë – Podujevë, ka të lënduar

Një aksident trafiku ka ndodhur sot rreth orës 17:00 në rrugën Prishtinë-Podujevë.

Lajmin e ka konfirmuar zëdhënësja e Policisë së Kosovës në rajonin e Prishtinës, Flora Ahmeti.

Ajo ka thënë se në aksident është përfshirë një automjet dhe një person është lënduar

“Sot rreth ores 17:00 jemi njoftuar per nje aksident ne rrugën Prishtinë -Podujevë, ku është përfshirë nje automjet. Në aksident është lënduar një person i cili është dërguar për tretman mjekësor. Me rastin po merret njësiti i trafikut rajonal”, ka thënë Ahmeti.

Aksidenti tjetër ka ndodhur rreth orës 18:20, në rrugën Prishtinë Podujevë, saktësisht në fshatin Lluzhan.

Në këtë aksident janë përfshirë dy automjete dhe janë lënduar dy persona.

“Sot rreth orës 18:20në rrugën Prishtinë – Podujevë (Lluzhan) ka ndodhur një aksident trafiku ku janë përfshirë dy automjete. Si pasojë e aksidentit dy persona janë lënduar. Personat e lënduar janë dërguar për tretman mjekësor ndërkohë që me rastin po merret njësiti i trafikut rajonal”, ka thënë Ahmeti.