Deputetja e Kuvendit të Shqipërisë, Marjana Koçeku ka denoncuar kërcënimet me jetë që i janë bërë së fundmi.
Ajo ka akuzuar familjen Bajraj nga Shkodra, teksa iu drejtua me një paralajmërim po ashtu kërcënues.
“Ky mesazh i drejtohet Bajrajve të Shkodrës. Nëse familjes teme i preket kjoftë edhe nji qime floku, unë s’kam me lanë pa ju shkatërrue, sa ta kem jetën,” shkroi Koçeku në profilin e saj në Facebook
Koçeku njoftoi tërheqjen nga grupi parlamentar i Partisë Socialiste pas protestave në mbrojtje të natyrës që kërkojnë dorëheqjen e kryeministrit Edi Rama. Ajo vendosi flamingon, logon kryesore të protestuesve, në profilin e saj zyrtar.
Një numër zyrtarësh socialistë i kanë bërë presion Koçekut që të dorëzojë mandatin, një kërkesë që nuk mbështetet në ligj.
Koçeku deklaroi se nuk ka ndër mend ta dorëzojë mandatin.
