Deputeti i VV-së publikon foto me Hekuran Muratin: Paga e 13-të shpërndahet me 31 mars, urime

Deputeti i LVV-së, Fatos Geci, i cili është edhe anëtar në Komisionin për Buxhet e Financa, ka thënë se rroga e 13-të do të shpërndahet me datën 31 mars.

Ai ka thënë se ka pasur informacione të pasakta lidhur me këtë dhe se paga e 13-të do të jepet në fund të këtij muaji.

Postimi i plotë:

“Njoftim për qytetarët

Rroga e 13-të do të shpërndahet të martën, më 31 mars, pasi që kohëve të fundit disa institucione dhe individë kanë shpërndarë informacione të pavërteta lidhur me këtë çështje. Urime!”, ka shkruar ai.