Të premtën e 31 tetorit presidentja e vendit, Vjosa Osmani priti në një takim të përbashkët liderët e partive politike.
Ky takim u mbajt pas dështimit të formimit të Qeverisë të propozuar nga ana e Lëvizjes Vetëvendosje.
Pas takimit, e para e vendit tha se në takimin konsultues, partitë i shprehën qëndrimet e tyre lidhur me mundësinë e daljes nga kriza, por tha se ajo ka kohë deri më 5 nëntor për të vendosur nëse do t’i shpallë zgjedhjet e reja apo do ta mandatojë dikë për formimin e Qeverisë së re të Kosovës.
Por çka pritet të ndodhë pas datës 5 nëntor?
Në një prononcim për Indeksonline, profesori universitar, Mazllum Baraliu, ka theksuar se pas kësaj datë e para e vendit duhet që ti shpallë zgjedhjet e jashtëzakonshme.
‘’Të mandatohet një mandat i ri, nëse i kanë bërë shumicën këta të parët që kanë qenë aty e nësë jo atëherë të bëhet shpallja e zgjedhjeve të reja, në bazë të nenit 95-të të Kushtetutës. Nuk ka ndonjë afat shtesë për propzim të ndonjë mandatari të ri’’, ka thënë Baraliu për Indeksonline.
Baraliu më tutje thotë se në bazë të afateve ligjore, zgjedhjet e reja do të duhet të mbaheshin në muajin dhjetor.
Me mos forimin e qeverisë gjasat që të ketë miratim të buxhetit për vitin 2026 janë të pakta. E për këtë Baraliu ka një përgjigje.
‘’Mos votimi i buxhetit sjellë dëmë të jashtëzakonshme, nuk e di se si partitë politike po i lejojnë vetës luks të sjellës me inate mes vete në dëm të shtetit dhe qytetarëve. Është e paimagjinushme dhe e pa përsëritshme, kjo nuk ka spjegim, kjo është sjelle iracionale me pasoja të riparushme’’ thotë Baraliu për Indeksonline.
Ai thotë se egziston një mundësi ligjore sa i përket buxhetit për vitin e ardhshëm por jo si buxhet i por si zgjatje buxhetore
‘’Po edhe Osmani e tha vetë që mundet të propozjë zgjatje buxhetore. Kjo bëhët në bazë të ligjit për buxheti në një situatë kur diçka nuk funksion mirë sepse është e obliguar që të kujdeset për mbarvatjen dhe funksionimin e mirë të institucioneve dhe kushtetutshmërisë. Por këta nuk po e degjojnë as Presidentën, as Gjykatën Kushtetuese e as këshillat e njërëzve’’, thotë Baraliu.
