Deputetja e LDK-së, Hykmete Bajrami ka kritikuar procesin e subvencionimit të materialeve shkollore para fillimit të vitit të ri shkollor.
Përmes një postimi në Facebook, Bajrami tha Ministria e Arsimit vendosi që të mos ua sigurojë librat nxënësve, por t’i subvenconoi ato në xhirollogari të prindërve. Sipas saj, kjo po krijon ‘katrahurë’ në çdo shtator.
“Kanë mbetur më pak se dy javë deri në fillimin e vitit të ri shkollor, ndërsa prindërit ende nuk i kanë marrë mjetet për tekstet shkollore. E sot, përveç që s’i kanë paratë, nuk e dinë as cilat libra duhet blerë. Prej se Ministria vendosi që mos të ua sigurojë librat nxënësve, por t’ua qesë paratë prindërve në xhirollogari, çdo shtator e kemi të njëjtën katrahurë: aplikime, pritje për mjete, prindër që bredhin prej një librarie në tjetrën dhe fëmijë që e fillojnë mësimin pa i pasur të gjitha librat, e kjo zgjatë për dikë deri në fund të vitit shkollor”, shkruan Bajrami.
Ajo tha se prindërit kanë kërkuar kthimin e sistemit të vjetër.
Siç shkruan deputetja, tash, pak ditë para fillimit të mësimit, prindërit jo vetëm që ende presin paratë, por ‘Ministria u thotë të mos i blejnë librat e rekomanduar nga shkollat’.
Më poshtë postimi i plotë:
Sa orë mësimi kushton paaftësia e Ministrisë?
Kanë mbetur më pak se dy javë deri në fillimin e vitit të ri shkollor, ndërsa prindërit ende nuk i kanë marrë mjetet për tekstet shkollore. E sot, përveç që s'i kanë paratë, nuk e dinë as cilat libra duhet blerë.
