Me rastin e shënimit të 28 nëntorit, mbrëmjen e sontme në Mitrovicë janë mbledhur ish- ushtarët e UÇK-së të Brigadës 141 “Mehë Uka”, përfshirë ish-komandant, Nexhat Dedia e gjeneral Rrahman Rama.
Dedia shkroi se ashtu siç luftuan të bashkuar për atdhe, duhet të vazhdojnë të qëndrojnë të bashkuar për ta mbrojtur, nderuar dhe çuar përpara Kosovën e shtrenjtë.
Postimi i plotë:
🇦🇱 Gëzuar 28 Nëntorin!
Sot, Brigada 141 “Meh Uka” jemi mbledhur në shenjë nderimi e respekti për Ditën e Flamurit, ditën e Pavarësisë dhe ditën e krenarisë sonë kombëtare. Kjo festë është shumëfishtë e shenjtë për kombin tonë, sepse bart në vete gjakun, sakrificën dhe idealin e lirisë.
Ne, ushtarët e UÇK-së, që dikur ishim krah për krah në vijat e frontit, duhet të jemi të bashkuar edhe sot, në mendim, në vepër dhe në qëllim. Ashtu siç luftuam të bashkuar për atdhe, duhet të vazhdojmë të qëndrojmë të bashkuar për ta mbrojtur, nderuar dhe çuar përpara Kosovën tonë të shtrenjtë. Le të jetë 28 Nëntori thirrje për unitet, përkujtim dhe krenari. Lavdi dëshmorëve! Rrespekt për të gjallët! Bashkim për të ardhmen! 🇦🇱
