Borë e ngrica në rrugë, disa bashkatdhetarë mbesin të bllokuar pasi kaluan kufirin në Merdarë

Bora e dendur dhe rruga ka me ngrica ka bërë që të krijohen kolona të gjata në pikën kufitare në Merdarë.

Në disa pamje të dërguara në adresë të gazetës online Reporteri.net shihen kolonat e gjata që kanë lënë të bllokuar disa bashkatdhetarë pasi kaluan kufirin në Merdarë, ndërkohë që reshjet e borës vazhdojnë.

Qendra për Menaxhim Kufitar ka njoftuar për kolona të gjata në këtë pikë kufitare.

Sipas përditësimit të fundit, pritjet për të dalë nga Kosova në pikën kufitare në Merdarë janë deri në dy orë e gjysmë. Kolona e automjeteve është 1500 metra.