Ali Berisha, kandidat i AAK-së për kryetar të Pejës, ka thënë se në kohën kur ai ka qeverisur, pavarësisht buxhetit të vogël, ka bërë shumë investime, ndërsa thekson se kanë kaluar 12 vite dhe akoma po flitet për probleme të njëjta me ujë, kanalizim, infrastrukturë.
Ai ka thënë se me rikthimin e tij , “rikthehet zhvillimi dhe perspektiva e flasim për mjedisin, arsimin cilësor, projektet e mëdha kapitale, shëndetësinë e zhvillimin ekonomik”.
Postimi i tij i plotë:
Në periudhën e qeverisjes sonë, përkundër buxhetit të vogël, kanë ndodhur shumë investime. Fatkeqësisht, 12 vjet kaluan me një qeverisje tjetër, e ne akoma flasim për probleme të njëjta: ujë, kanalizim, infrastrukturë. S’bon me fol mo për këto probleme. Me rikthimin tonë, rikthehet zhvillimi dhe perspektiva e flasim për mjedisin, arsimin cilësor, projektet e mëdha kapitale, shëndetësinë, zhvillimin ekonomik e kthimin në vendlindjen tonë, Pejën, që e duam aq shumë
