Beqa: PDK-ja do të jetë partia e parë, do t’i marrim 30% të votave – Hamza do e udhëheq Qeverinë e re

Kandidati për deputet i Partisë Demokratike të Kosovës, Hajdar Beqa, ka deklaruar se PDK po hyn në zgjedhjet e 28 dhjetorit më të mobilizuar se kurrë, duke theksuar se programi i partisë është i ndërtuar drejtpërdrejt mbi kërkesat e qytetarëve.

“PDK është angazhuar si kurrë me parë. E ka programin konkret që buron nga kërkesat e qytetarëve’’, tha Beqa.

Ai u shpreh i sigurt se partia e tij synon dhe mund të dalë fituese në këto zgjedhje.

“Jam i bindur që PDK garon për vend të parë dhe do të del partia e parë me 30%”, deklaroi kandidati i PDK-së.

Beqa shtoi se është i bindur edhe për drejtimin e ardhshëm të ekzekutivit.

“Jam i bindur se Qeveria e ardhshme do të udhëhiqet nga Bedri Hamza,” tha për FrontOnline ai.