Bekim Haxhi merr mbështetje të madhe nga veteranët në Kuçicë: Kur veteranët mobilizohen, nuk ka pushtet që nuk rrëzohet

Kandidati i PDK-së, Bekim Haxhiu i cili garon me numrin 109 për deputet, së bashku me udhëheqësit e luftës çlirimtare, Fatmir Limaj dhe Sami Lushtaku, u takuan me veteranët e UÇK-së në Kuçicë.

Në këtë takim, Limaj gjeti rastin t’ia dhurojë emblemen “LIRA KA EMËR”, për të cilën Haxhiu u shpreh shumë krenar.

“Kur veteranët mobilizohen, nuk ka pushtet që nuk rrëzohet! Emblema “LIRIA KA EMËR”, të cilën ma dhuroi Fatmir Limaj, është shumë e veçantë për mua dhe për çdo luftëtar të UÇK-së. Ajo simbolizon guximin, sakrificën, qëndresën dhe idealin për të cilin luftuam”, tha ai.

Haxhiu gjithashtu e përshkuajti takimin të mbushur me emocione, kujtime, krenari dhe mobilizim për ta sjellë ndryshimin më 7 qershor.

“Bashkë me bashkëluftëtarët rikthyem në kujtesë ditët kur i thamë JO robërisë dhe STOP Serbisë. Me sakrificë, guxim dhe vendosmëri, e zëvendësuam epokën e robërisë me epokën e lirisë dhe të pavarësisë.

Sot na bashkon një mision i ri: t’i themi STOP krizës, ta ndalim degradimin e shtetit dhe ta sjellim ndryshimin që qytetarët e Kosovës e meritojnë.

Me veteranët, me qytetarët dhe me të gjithë ata që besojnë në vlerat për të cilat u sakrifikua shumë, do të ndërtojmë një Kosovë më të fortë, më të drejtë dhe më të zhvilluar”, tha Haxhiu.