Deputeti i PDK-së, Artan Behrami, ka thënë se nuk e kanë menduar asnjëherë që LVV do të bënte propozime për kryetar të Kuvendit të emrave si Gërvalla, Murati, Basha e të tjerë, transmeton Periskopi.
“As në ëndrrën më të keqe s’e kemi mëndu që një parti mundet me dalë me propozime të tilla”, ka thënë Behrami.
Ai ka thënë se PDK vetëm e ka mbajtur fjalën dhe se do ta votonte cilindo prej 34 deputetëve që do ta propozonte Kurti për kryetar të Kuvendit.
“Kurti ka pasë 34 deputetë në dispozicion, nga 48. Cilindo që e kish vendosë e kishim votu. Nuk e kem votu ne Dimal Bashën se na pëlqen, e as se i nënshtrohemi. PDK tregoi që në rrethana të vështira di me dalë jashtë vijave të kuqe, në mënyrë që me i zhblloku institucionet”, ka thënë Behrami.
