Policia e Kosovës ka njoftuar se ka arrestuar një të dyshuar për veprën penale “vrasje në tentativë”, i cili kërkohej me urdhërarrest ndërkombëtar nga autoritetet gjermane.
Sipas njoftimit të Policisë ai është arrestuar të hënë në mbrëmje.
Lajme
Arrestohet në Prishtinë i kërkuari nga Gjermania për vrasje në tentativë – lokalizohet nga FAST
“Me datë 19.01.2026, rreth orës 20:30, zyrtarët policorë të Drejtoria për Bashkëpunim Ndërkombëtar Policor (DBNP) – ekipi FAST, kanë lokalizuar dhe arrestuar personin, i cili ishte i kërkuar me urdhër arresti ndërkombëtar nga autoritetet gjermane, për shkak të dyshimit për kryerjen e veprës penale ‘Vrasje në tentativë’”, thuhet në njoftimin e Policisë.
Ai thuhet se pas arrestimit dhe në bazë të urdhrit të Prokurorit Kujdestar, është dërguar në ndalim policor për 48 orë, për të vazhduar me procedurat e mëtejme ligjore, në përputhje me legjislacionin në fuqi.