Një shtetas i Kosovës ka mashtruar për muaj të tërë disa autoritete zvicerane, duke u paraqitur si shtetas francez me një dokument udhëtimi francez.
Sipas mediave zvicerane, burri arriti të regjistronte dy kompani në regjistrin tregtar dhe të siguronte një leje për udhëtim ndërkufitar, pa u zbuluar identiteti i tij i vërtetë.
Për gati një vit, ai punoi si pastrues në Zvicër, duke fituar rreth 3.000 franga në muaj.
Ai u arrestua në Cyrih, ndërsa Zyra e Prokurorit Publik Limmattal/Albis e dënoi me një gjobë me kusht prej 4.500 frangash zvicerane dhe një periudhë prove dyvjeçare. Atij iu kërkua gjithashtu të paguante 1.700 franga në gjoba dhe tarifa.
