Lëvizja Vetëvendosje sonte ka lëshuar komunikatë, ku ka bërë të ditur se në seancën e nesërme do t’i votojë propozimet e PDK-së dhe LDK-së për nënkryetarë të Kuvendit të Kosovës, Vlora Çitakun e Kujtim Shalën.
Por ky vendim i VV-së duket se ishte nuhatur nga opozita, si një “skenar” i partisë për të çuar vendin në zgjedhje.
Këtë gjë e kishte paralajmëruar deputeti i PDK-së, Arian Tahiri me një postim të bërë më datë 11 gusht, ku kishte thënë se qëllimi i Albin Kurtit është konstituimi i Kuvendit mes datave 13 shtator dhe 28 dhjetor.
