Ardian Shala publikon pamje nga tubimi madhështor në Suharekë: Do ta kthejmë potencialin e qytetit tonë në zhvillim konkret

Kandidati për kryetar të Komunës së Suharekës nga radhët e Lidhjes Demokratike të Kosovës, Ardian Shala ka ndarë pamje nga tubimi qendror madhështor në Suharekë, shkruan GazetaDemos.

Tubimi u mbajt në Shtëpinë e Kulturës “Ukë Bytyçi”, ku u nda vizioni i LDK-së për një të ardhme më të mirë.

“Energjia dhe përkrahja që mora nga ju më jep bindjen se Suhareka është gati për ndryshim dhe për një udhëheqje që punon me duar të pastra”, u shpreh Shala.

Ai tha se do ta kthej potencialin e Suharekës në zhvillim konkret.

“Programi ynë është i qartë dhe i ndërtuar mbi tri shtylla kryesore: arsim cilësor, shërbime publike dinjitoze dhe një ekonomi që krijon mirëqenie për çdo familje. Me investime në shkolla, shëndetësi, bujqësi e turizëm, ne do ta kthejmë potencialin e Suharekës në zhvillim konkret”, shtoi ai tutje.

Postimi i plotë:

Tubimi Qëndror në Suharekë

Sot, në Shtëpinë e Kulturës “Ukë Bytyçi”, u mblodhëm bashkë me qytetarët e Suharekës për të ndarë vizionin tonë për një të ardhme më të mirë. Energjia dhe përkrahja që mora nga ju më jep bindjen se Suhareka është gati për ndryshim dhe për një udhëheqje që punon me duar të pastra.

Programi ynë është i qartë dhe i ndërtuar mbi tri shtylla kryesore: arsim cilësor, shërbime publike dinjitoze dhe një ekonomi që krijon mirëqenie për çdo familje. Me investime në shkolla, shëndetësi, bujqësi e turizëm, ne do ta kthejmë potencialin e Suharekës në zhvillim konkret.

Më 12 tetor, së bashku do ta bëjmë realitet vizionin tonë një Suharekë që frymëzon dhe i shërben çdo qytetari.

#ArdianShala113 #LDK #suharekapërtej