Arber Tolaj: Raporti i Auditimit zbulon keqmenaxhim serioz në SHSKUK

Kandidati i Aleancës për deputet, Arber Tolaj, ka reaguar pas publikimit të raportit të Zyrës Kombëtare të Auditimit për Shërbimin Spitalor dhe Klinik Universitar të Kosovës (SHSKUK), duke e cilësuar gjendjen në sektorin shëndetësor si alarmante dhe pasojë të keqmenaxhimit institucional.

Sipas Tolajt, raporti evidenton një sërë parregullsish të rënda, përfshirë mbi 8.4 milionë euro pasuri të paregjistruara, 3.8 milionë euro shpenzime të keqklasifikuara, barna me afat të skaduar në stok si dhe pajisje mjekësore të paregjistruara.

Reagimi:

Raporti i Zyrës Kombëtare të Auditimit për Shërbimin Spitalor dhe Klinik Universitar të Kosovës (ShSKUK), nxjerr në pah një gjendje shqetësuese të menaxhimit të sistemit shëndetësor.

Mbi 8.4 milionë euro pasuri të paregjistruara, 3.8 milionë euro shpenzime të keqklasifikuara, barna me afat të skaduar në stok dhe pajisje mjekësore të paregjistruara dëshmojnë mungesë serioze të kontrollit dhe llogaridhënies.

Fakti që SHSKUK ka marrë Opinion të Kualifikuar nga auditori është alarm për mënyrën se si janë menaxhuar paratë publike, ndërkohë që qytetarët vazhdojnë të përballen me mungesë barnash dhe vështirësi në marrjen e shërbimeve shëndetësore.

Shëndetësia nuk mund të vazhdojë të jetë viktimë e keqmenaxhimit, ndërsa qytetarët paguajnë çmimin e kësaj papërgjegjësie.

128 1 11 5

#DrArberTolaj5 #AAK128 #SiguriEnergjiZhvillim