Alpinisti në gjendje kritike pasi u pickua 100 herë nga bletët në malin e Arizonës

Një alpinist po lufton për jetën pasi është pickuar më shumë se 100 herë nga bletët në një mal në Arizona.

Ai telefonoi shërbimet e emergjencës në Phoenix, sepse plagët e tij nuk i lejonin të vazhdonte zbritjen nga Lookout Mountain. Ekipet e shpëtimit dërguan një helikopter dhe e nxorën me vinç, përpara se ta transferonin në një ambulancë për ta çuar në spital, raporton Sky News.

Zyrtarët thonë se ai është në gjendje kritike dhe po lufton për jetën.

Departamenti i Zjarrfikësve në Phoenix u ka bërë thirrje alpinistëve të shmangin kosherët, të veshin rroba me ngjyra të çelëta dhe të mos përdorin produkte me aromë kur janë jashtë.

Dr.Frank Lovecchio, profesor në Universitetin Shtetëror të Arizonës, ka thënë se helmi nga pickimet e përsëritura të bletëve në thelb “shkatërron muskujt”.