Kreu i Bashkimit Demokratik për Integrim, Ali Ahmeti tha në një intervistë në Euronews Albania se, pozitat e shqiptarëve në Maqedoni të Veriut po degradojën për shkak të përfaqësimit jo të denjë në qeveri.
Ai akuzoi kryeministrin e Kosovës Albin Kurti se ka marrë anën e kryeministrit të RMV, Kristian Mickocki në dëm të shqiptarëve të RMV dhe të drejtave të tyre.
‘Pse Albin Kurti merr anën e Mickoskit, ka marrë anë dukshëm, mua nuk më pengon. Unë kam bashkëpunuar me të gjitha partitë në Shqipëri dhe Kosovë, asnjëherë nuk kam marrë anë, na duhen marrëdhënie të mira me të dyja shtetet shqiptare. Ka marrë anë hapur në mbështetje të politikave antishqiptare të Mickoskit. 2 muaj mediat në RMV janë marrë me Korridorin e 8, se po ndërtohet në Shqipërinë e Madhe’, tha Ali Ahmeti.
Ai për deklaratën e famshme të Kurtit, tha se nëse ka pasur mungesë informacioni atëherë t’iu kërkojë falje shqiptarëve të Maqedonisë së Veriut.
