Gjatë kësaj jave vendi ynë do të mbetet nën ndikimin e kushteve të qëndrueshme atmosferike, të paktën deri të premten.
Si rrjedhojë, deri atëherë, moti do të karakterizohet kryesisht me diell dhe me ngritje të temperaturave nga dita në ditë, si pasojë e fuqizimit të masave të nxehta nga Afrika Veriore.
Në ndërkohë, masa të lagështa dhe më të freskëta pritet të depërtojnë të shtunën, duke sjellë rrebeshe lokale shiu gjatë orëve të pasdites dhe mbrëmjes, të shoqëruara me shkarkesa rrufesh.
