Kalo te përmbajtja
Demos
Keni lajm?
  • Çka ka 3?
  • Lajme
  • Ndërkombëtare
  • Sport
  • Video
  • Magazine
  • Teknologji
  • Stil
  • Këndvështrime
Menyja
  • Ballina
  • Çka ka 3?
  • Lajme
  • Ndërkombëtare
  • Sport
  • Video
  • Magazine
  • Teknologji
  • Stil
  • Këndvështrime
Pamja
Demos

Gazeta Demos ngadalë por sigurt, po bëhet burim i besueshëm i informacionit, i hapur ndaj opinionit publik, duke i trajtuar të gjithë të barabartë. Gazeta Demos është shenjë identifikuese e fjalës së lirë, gjithnjë në frymën e demokracisë prej nga buron edhe emri i saj.

Rubrikat

VideoLajmeNdërkombëtareSportMagazineTeknologjiStilKëndvështrime

Demos

Rreth neshPolitika editorialeKontaktPrivatësiaKeni lajm?
Gazeta Demos SH.P.KRr. “Uran Ajeti”, 68, Prishtinëinfo@gazetademos.commarketing@gazetademos.comTel: +383 48 579 555
© 2026 Demos. Të gjitha të drejtat e rezervuara. v 1.0.2
Lajme

Aktakuzë ndaj katër zyrtarëve për kontratë milionëshe të ndërtimit të urave

GD
Gazeta Demos13 gusht 2026 në 16:35
Aktakuzë ndaj katër zyrtarëve për kontratë milionëshe të ndërtimit të urave

Prokuroria Speciale e Kosovës ka ngritur aktakuzë ndaj katër personave ndër ta ish-sekretarin e Ministrisë së Infrastrukturës dhe tre personave të tjerë B.R., B.H., R.Q. dhe N.L., nën dyshimin se kanë keqpërdorur pozitën apo autoritetin zyrtar gjatë zbatimit të një kontrate për mirëmbajtjen e urave në rrugët nacionale dhe rajonale të Kosovës.

Sipas aktakuzës, të pandehurit, në cilësinë e personave zyrtarë në Ministrinë e Infrastrukturës, gjatë periudhës nga 2 gushti 2017 deri më 26 nëntor 2020, dyshohet se kanë tejkaluar kompetencat ligjore dhe nuk kanë përmbushur detyrat zyrtare në lidhje me kontratën publike “Mirëmbajtja e Urave në Rrugët Nacionale dhe Rajonale të Kosovës për vitet 2017–2019”.

Prokuroria Speciale thotë se aktiviteti i prokurimit ishte iniciuar me një vlerë të parashikuar prej 500 mijë eurosh, ndërsa në fund për kontratën janë realizuar pagesa në vlerë prej 5,377,058.07 eurosh.

“Të pandehurit kanë vepruar në kundërshtim me Ligjin për Prokurim Publik, të Rregullores dhe Udhëzimit Operativ për Prokurim Publik, si dhe me Rregullën Financiare për Shpenzimet e Parasë Publike”, thuhet në njoftimin e Prokurorisë Speciale.

Sipas aktakuzës, një tjetër parregullsi lidhet me raportet e punimeve. Prokuroria pretendon se janë “nënshkruar dhe certifikuar raporte të punimeve me sasi shumëfish më të larta se ato të parapara në dosjen e tenderit”.

Këto punime, sipas aktakuzës, janë kryer “pa aneks-kontratë, pa procedurë të re prokurimi dhe pa verifikim të rregullt nga komisioni i pranimit të punëve”.

Prokuroria Speciale i ka propozuar Gjykatës që ndaj të pandehurve, krahas dënimit për veprën penale, të shqiptohet edhe dënimi plotësues – ndalimi i ushtrimit të funksioneve në administratën publike ose në shërbimin publik.

Pretendimet e përfshira në aktakuzë përbëjnë qëndrimin e Prokurorisë dhe duhet të vërtetohen në procedurën gjyqësore.

uraveaktakuzëndaj

Të ngjashme

Një muaj paraburgim të dyshuarit për sulm ndaj dy personave zyrtarë

Një muaj paraburgim të dyshuarit për sulm ndaj dy personave zyrtarë

10:42
Prangoset një polic në Kaçanik, dyshohet se përdori forcë ndaj qytetarit edhe pas arrestimit

Prangoset një polic në Kaçanik, dyshohet se përdori forcë ndaj qytetarit edhe pas arrestimit

09:56
Publikohet formacioni i Kosovës, shumë ndryshime në përballjen ndaj Irlandës

Publikohet formacioni i Kosovës, shumë ndryshime në përballjen ndaj Irlandës

20:20

Më shumë nga Lajme

  • 15:14Gjini pret Prattipatin: Aleanca do të jetë e pakompromis në mbrojtjen e demokracisë
  • 15:12QKUK-ja nis aksionin për lirimin e oborrit, objektet pa leje dhe lokalet e uzurpuara do të rrënohen
  • 15:02Limaj viziton Kilajn pas shpalljes së pafajësisë: Të angazhohemi për kthimin e të gjithë bashkëluftëtarëve
  • 14:59Lidhja e Bizneseve të Kosovës me delegacion prej 30 anëtarësh në Izmir të Turqisë - nënshkruhet memorandum bashkëpunimi ekonomik
  • 14:46Vrasja e Triumf Rizës – Ilir Abdullahu dhe Rrahim Abdullahu dënohen me nga 18 vjet burgim