15 persona kanë humbur jetën në Sri Lanka pasi një autobus pasagjerësh ra nga një lartësi.
Një zëdhënës i policisë tha se 16 persona të tjerë janë lënduar, përfshirë pesë fëmijë.
Aksidenti ndodhi në një rrugë malore pranë qytetit Wellawaya, rreth 280 km në lindje të kryeqytetit Colombo, të enjten në mbrëmje.
Zëdhënësi tha se një hetim fillestar policor ka zbuluar se autobusi po udhëtonte me shpejtësi të lartë kur shoferi i tij humbi kontrollin. Ai shtoi se autobusi u përplas me një automjet tjetër dhe me kangjellat mbrojtëse të rrugës, përpara se të rrëzohej nga shkëmbi.
Pamjet treguan autobusin e dëmtuar rëndë të shtrirë në fund të greminës ndërsa ekipet e shpëtimit – përfshirë ushtarë, oficerë policie dhe vullnetarë, nxorën të plagosurit gjatë gjithë natës.
