Aksident në Malishevë, furgoni del nga rruga dhe përfundon pranë një lokali

Një aksident trafiku ka ndodhur sot në Malishevë, ku një furgon ka dalë nga rruga dhe ka përfunduar pranë një lokali.

Sipas pamjeve nga vendi i ngjarjes, furgoni ka devijuar nga rruga, ndërsa për pak sa nuk ka përfunduar brenda lokalit.

Nuk dihet ende nëse ka persona të lënduar apo dëme të tjera materiale nga ky aksident.

Rrethanat dhe shkaqet e aksidentit pritet të bëhen të ditura pas hetimeve të autoriteteve.