Aksident në hyrje të Istogut, lëndohen dy persona

Një aksident trafiku ka ndodhur sonte në hyrje të Istogut. Në aksident janë përfshirë tri vetura dhe dy persona kanë përfunduar të lënduar.

Kështu ka bërë të ditur zëdhënësi i Policisë për Rajonin e Pejës, Fadil Gashi.

Aksidenti ka ndodhur rreth orës 22:00.

Të lënduarit janë dërguar për ndihmë në spital dhe se ekipet kompetente kanë dalë në vendngjarje.