Një person ka humbur jetën si pasojë e një aksidenti trafiku që ka ndodhur mëngjesin e sotëm në fshatin Loxhë të Pejës.
Siç ka konfirmuar zëdhënësi i Policisë për rajonin e Pejës, Driton Rugova, rreth orës 07:50 autoritetet janë informuar për një aksident ku janë përfshirë dy vetura.
Përveç dëmeve të konsiderueshme materiale, dy persona kanë pësuar lëndime trupore dhe janë dërguar për tretman mjekësor.
Nga ekipi mjekësor është konstatuar se njëra nga personat e aksidentuar nuk ka arritur t’u mbijetojë plagëve dhe ka humbur jetën.
“Sot rreth orës 07:50 Policia është njoftuar për një aksident trafiku në fshatin Loxhë të Pejës, ku të përfshira janë dy vetura dhe si pasojë, përveç dëmeve të konsiderueshme materiale, janë edhe dy persona të lënduar, të cilët janë dërguar për tretman mjekësor. Nga ekipi mjekësor është konstatuar se njëra nga të aksidentuarat nuk ka mundur t’i përballojë plagët dhe ka ndërruar jetë,” ka thënë Driton Rugova, zëdhënës i Policisë në Pejë.
