Një aksident i trefishtë është regjistruar këtë pasdite në aksin nacional Lushnjë–Berat, pranë fshatit Kashtëbardhë. Sipas të dhënave paraprake, tre automjete janë përplasur me njëra-tjetrën.
Si pasojë e përplasjes, një prej makinave ka dalë nga rruga dhe ka përfunduar në tokat bujqësore, duke mbetur e bllokuar në një kanal, ndërsa dy automjetet e tjera kanë mbetur në rrugë.
Nga aksidenti janë plagosur tre persona, të cilët janë dërguar në spitalin e Lushnjës për të marrë ndihmën mjekësore. Mësohet se njëri prej të plagosurve është në gjendje më të rëndë shëndetësore.
