Aksident në Berat, humb jetën një 63-vjeçar

Një 63-vjeçar ka humbur jetën pasi është përplasur nga një makinë teksa po lëvizte me biçikletë, në aksin rrugor Berat–Dimal, në fshatin Moravë.

Sipas policisw, e lënduar ka mbetur edhe njw 63-vjeçare

“Rreth orës 10:15, në aksin rrugor Berat–Dimal, në fshatin Moravë, shtetasi J. D., duke drejtuar automjetin, është përfshirë në një aksident rrugor me shtetasin K. S., 63 vjeç, i cili lëvizte me biçikletë. Si pasojë e aksidentit, shtetasi K. S. ka ndërruar jetë në vendngjarje. Gjithashtu, gjatë përplasjes është dëmtuar edhe këmbësorja, shtetasja Dh. A., 63 vjeçe, e cila është transportuar në spital dhe ndodhet jashtë rrezikut për jetën”, tha policia.

Grupi hetimor po kryen veprimet procedurale për sqarimin e rrethanave dhe përcaktimin e shkakut të aksidentit.