“Prandaj idetë e mëdha do të realizohen, sepse nuk jemi këtu për punë të vogla, jemi këtu për punë të mëdha”, tha i pari i LDK-së Lumir Abdixhiku gjatë fjalimit të tij në tubimin mbyllës të Prishtinës.
Abdixhiku tutje deklaroi se projektet e mëdha do të përfundojnë, dhe s’ka asgjë që i ndalë dhe bllokon.
“Në katër vite të fundit, me gjithë pengesat e mëdha, Lidhja Demokratike dhe Përparim Rama treguan se çfarë do të thotë qeverisje e ndershme. Nuk kishim ndihmë nga qeveria qendrore, përkundrazi, patëm vetëm pengesa bllokada. Nuk patëm bashkëpunim nga opozita lokale, përkundrazi, patëm sabotim. Por asnjë nga këto nuk mundi ta ndalë ndryshimin”, tha Abdixhiku.
Kryetari i LDK-së Lumir Abdixhiku tutje shtoi se “Qyteti është më i fortë se propaganda. Sepse besimi i njerëzve është më i madh se gënjeshtra”.
