AAK Pejë reagon ndaj LDK-së dhe Muhaxherit: “Ndaleni presionin në biznese”

AAK – Dega në Pejë ka reaguar ashpër ndaj, siç thotë, presioneve të ushtruara nga eksponentë të LDK-së dhe kryetari në detyrë Gazmend Muhaxheri ndaj bizneseve të qytetit.

Sipas reagimit, tash e tre ditë familjarë të Muhaxherit, punëtorë të inspektoratit dhe militantë të LDK-së kanë ushtruar presion të paparë në biznese, veçanërisht në Qarshi të Gjatë, duke kërkuar vota për kryetarin në ikje dhe për LDK-në.

AAK thotë se raportimet për këto presione po bëhen drejtpërdrejt dhe në kushte anonimiteti nga vetë bizneset.

Postimi i plotë:

REAGIM ndaj LDK-së dhe seimenëve të Muhaxherit: NDALENI PRESIONIN NË BIZNESE

Eksponentë të LDK-së dhe Gazmend Muhaxheri, tash e 3 ditë kanë shtrirë presion të paparë ndaj bzineseve të respektuara të qytetit të Pejës.

Familjarë të Muhaxherit, punëtorë të inspektoratit të perzier me militant të LDK-së dje dhe sot kanë orjentuar presionin në Qarshi të gjatë duke kërkuar votë për kryetarin në ikje dhe për LDK-në.

Presioni në degën tonë po raportohet direkt dhe në kushte anonimiteti nga bizneset e qarshisë së gjatë.

Peja nuk e meriton ti fyhet intelegjenca. Më 12 Tetori sovrani le të flet i lirë.

AAK – Dega në Pejë