A do të jetë pjesë e Marshit për Liri, Kurti: Përgjigjemi më vonë

Kryeministri në detyrë, Albin Kurti, është pyetur nëse do të marrë pjesë në “Marshin për Liri”, i paralajmëruar për nesër në Prishtinë në mbështetje të ish-krerëve të Ushtrisë Çlirimtare të Kosovës (UÇK).

Kurti nuk ka dhënë një përgjigje të drejtpërdrejtë, duke thënë se për këtë çështje do të flasë më vonë.

“Më vonë përgjigjemi për çështje të tjera, këtu jemi për 25-vjetorin e 11 Shtatorit”, ka deklaruar Kurti.

Marshi i organizuar nga platforma “Liria ka Emër” do të mbahet më 12 shtator në Prishtinë, ndërsa synon të shprehë mbështetje për ish-krerët e UÇK-së që po gjykohen në Hagë.