A do të bëjë PDK-ja koalicion parazgjedhor, përgjigjet Bedri Hamza

Kreu i PDK-së, Bedri Hamza, ka thënë se PDK’së i konvenon cilado datë që do të përcaktohet brenda afatit kushtetues. Ai ka thënë se sot do të marrë pjesë në takimin e ftuar nga u.d e presidentes, Albulena Haxhiu, ku do të diskutohet për këtë çështje.

“Do t’i përgjigjem ftesës së u.d të presidentes sepse e respektoj institucionin. Për ne është e pranueshme cilado datë brenda vendimit të Gjykatës Kushtetuese”, ka thënë Hamza.

Në pyetjen e gazetares së T7 për koalicionet e mundshme parazgjedhore, Hamza ka thënë se PDK do të shkojë si parti politike dhe se të gjithë ata që dëshirojnë t’i bashkohen listës janë të mirëseardhur.

“Ne do të bisedojmë, mirëpo do të shkojmë si PDK dhe brenda listës së PDK-së janë të mirëpritur edhe të tjerët”, ka thënë Hamza.