Kandidati për deputet nga AAK-ja, Arbër Tolaj, ka zhvilluar një takim me gra së bashku me kandidatin për Kryeministër të Aleancës, Ardian Gjini, ku u diskutua për sfidat me të cilat përballen gratë në Kosovë.
Në këtë bashkëbisedim u fol për pabarazinë në punësim, mungesën e mbështetjes institucionale dhe nevojën për më shumë siguri, respekt dhe mundësi të barabarta për gratë në shoqëri.
Postimi i tij:
Takim i frytshëm me gratë, së bashku me kandidatin tonë për Kryeministër, Ardian Gjini!
Diskutuam hapur për sfidat, pabarazinë në punësim dhe mungesën e mbështetjes institucionale që ende e rëndojnë gruan në shoqërinë tonë.