Tahiri e Gjini vizitojnë Qendrën Edu: U njohëm me punën dhe kontributin për të rinjtë dhe lidhjen me tregun e punës

Besnik Tahiri i cili garon me numër 2 në listën e AAK-së për deputet në zgjedhje, ka njoftuar se Qendra Edu hapi dyert për diskutim mbi edukimin dhe inovacionin.

Tahiri këtë vizitë e zhvilloi me kandidatin e AAK-së për kryeministër Ardian Gjini, ku u njohën me punën e kësaj qendre.

“Qendra Edu hapi dyert për diskutim mbi edukimin dhe inovacionin, ku bashkë me kandidatin për kryeministër, Ardian Gjini, u njohëm me punën dhe kontributin e kësaj qendre për të rinjtë dhe lidhjen me tregun e punës”, tha ai.

Tahiri tha se gjatë këtij takimi u prezantuan pikat e programit që mbështesin zhvillimin e kompetencës dhe inovacionit tek të rinjtë.

“Në një atmosferë miqësore nuk munguan diskutimet, pyetjet dhe humori.

Faleminderit të rinjve për pritjen, si dhe vlerësim për Gencin dhe ekipin për punën që po bëjnë”, tha ai.